【溫多娜手記】馬雲、許家印等齊開新年P 大劉容光煥發現身

別過2018年，迎來2019年，一班大孖沙亦乘機喺香港開P聚一聚。
其中，人稱人劉、華置（0127）前大股東劉鑾雄與恒大（3333）主席許家印、阿里巴巴集團主席馬雲、渝太地產（0075）主席兼執董的「重慶李嘉誠」張松橋等好友齊齊香港參加新年party。

難得四人齊聚，共同影咗張合照，大劉睇上去容光煥發、氣色不錯；馬雲係張相入面就最搶眼，身着白色衛衣，笑得非常燦爛。

而許生亦都人逢喜事精神爽，將「紛爭」結束喺2018年，昨日旗下恒大健康（0708）與賈躍亭簽重組協議 ，雙方撤銷所有訴訟及仲裁，喜迎2019年！

相中可見，大劉、馬雲同許家印雙手同樣搭埋一齊，動作一致，唔通2019年有「大刁」一齊做？