【溫多娜手記】AIA包場豪請逾千小朋友 攻陷中環歐陸嘉年華

撰文:溫多娜
出版:更新:

友邦(AIA)歐陸嘉年華每年一度於中環海傍舉行,今年你又去咗未?距離嘉年華落幕仲有大約1個月,日前贊助商AIA就安排兩批合共超過1,000名青少年及小朋友包場暢玩,仲有得觀賞雜技團演出!

60個AIA同事助拳贏獎

自環球嘉年華於2014年「復活」以來,不知不覺間,原來AIA已連續5年冠名贊助活動。友邦早前分別於1月11日同1月19日包場,邀請多間慈善機構合共1,250名青少年及小朋友入場,仲特別搵嚟60個AIA同事幫手贏獎品。除咗掟彩虹同射籃球等嘉年華遊戲,一班青少年小朋友更免費入場觀賞歐陸雜技團演出,無花無假玩足1日。

友邦香港及澳門企業業務、策略及財富管理總經理兼友邦慈善基金總監謝佩蘭就指,友邦嘉年華一直係香港人合家歡的年度歡樂盛事,希望進一步將愛和歡樂分享到社區,未來友邦慈善基金將會繼續舉辦多元化活動。 

有AIA包場,相信一班小朋友都玩到夠晒皮。