【溫多娜手記】婚紗新股嘉藝情人節浪漫記招　大派朱古力玫瑰花

今日係情人節，溫多娜出席記者招待會突然「收花」，夠晒驚喜。

講緊嘅係朱古力玫瑰花。今日伴娘裙、婚妙、及特別場合服製造商嘉藝控股（1025）舉記新股上市記者招待會，向在場記者派發朱古力玫瑰花，仲搵嚟兩位模特兒穿上婚紗及伴娘裙，一眾公關亦穿上晚裝撑場，搖身一變成為「浪漫記招」。

嘉藝主席、行政總裁兼執行董事莊碩表示，公司係首隻在於香港上市嘅婚紗股，剛好配合到今日情人節召開記招，可謂是「浪漫招股」。而派發朱古力玫瑰花係想同記者分享情人節嘅喜悅。

他指，招股反應係由市場決定，公司會保持平常心，繼續專注長遠業務發展。