近期「微胖」一詞興起，有人認為微胖女「有肉地」，而且「好攬」。男女對微胖的定義各有不同，認為自己算是微胖的Giann指，自己曾因嚮往戀愛而食藥及飲奶昔減肥。回望當時的日子，她直言「覺得人生無意義同色彩」。現時Giann的體重約145磅，但她可以有自信地笑著說，「我係一個微胖女，但係我活得開心！」

「微胖」定義可算相當廣泛，隨手在Google搜尋，苟芸慧、衛蘭、阿嬌等人都在微胖之列，甚至連謝安琪也榜上有名！

男女看微胖

自認是微胖女的Giann直言，男女看微胖大大不同，她心目中的微胖，是體重約百四磅、「望落去有啲肉地同有包包臉」、穿貼身衫亦會「有啲肉唧咗出嚟」。

不過Giann認為， 男性看微胖 ，就只是身材較好的「瘦底大波、大籮」，而並非真的較肥者，認為男性「好似講比人聽我接受範圍好大，我係鍾意微胖㗎！我唔會歧視你哋呢啲肥肥嘅女孩子㗎咁樣」。

身為微胖女，好聽點說就是「有肉地」，但其實面對的尷尬事一個接一個。

Level 1　去餐廳食飯要小心

Giann指，光顧狹窄的米線店，離開時發現檯與檯之間空隙不寬，會踮起腳尖將身體升高而行，「因為你勁驚個pat pat會撞到人地碗米線」。

Level 2　有牛仔褲買都未必合身

微胖者，通常屁股也比較圓渾，「肥人買褲真係有啲比較困難少少」，即使選了最大碼的牛仔褲，有時候亦穿不下。「條褲會卡住咗喺個hip位度著唔到，又或者著到但扣唔到鈕」。

Level 3 被讓座

可說是Giann尷尬事件之冠，微胖身材再加上穿起寬鬆衣服，Giann不止一次在地鐵被讓座，面對如此尷尬情景，Giann會選擇在下一個站下車，以免有心人不斷邀請她坐下。

另看：【演員血淚】入行10年沒人識？ 拍完場戲被製片話「冇預你食飯」

食藥飲shake減肥苦不堪言

Giann雖是微胖，但她並非網民所說的「自暴自棄肥婆」。她曾經多次減肥，有時為希望談戀愛，有時為著靚衫。吃減肥藥、飲減肥奶昔，但這些日子對Giann來說卻是苦不堪言。

無間斷飲了減肥奶昔個多星期後，便開始對奶昔心生厭惡，「嗰個質感就係結pat pat咁一pat嘢嘅，飲完喇好啦跟住仲要飲水，然後沖咗嗰個澀味」。腦海中天使與魔鬼不斷掙扎，「其實我轉個街口就有麥當勞喇喎，究竟我食麥當勞定飲佢？」

人生無意義無色彩

雖然食藥飲奶昔可令她一個月減去十磅，但她形容「真係好辛苦」，整個月不間斷地喝著無味的奶昔，「好似成個月都無食過嘢咁，嗰時會覺得人生無意義同無色彩」。

另看：有一種孤獨叫創業　90後甜品師哭訴：羨慕別人有同事分享扶持

Giann自此放棄以這種方法減肥，並決定以自己喜歡的方法減磅，例如踩單車、游泳等，希望自己的體重可減回約120磅，而她亦再無為自己的體重設下很嚴謹的達磅期限，只是每早起床磅重一次，監察自己的體重。

我唔想逼自己去跟住人哋嘅目光去跑，因為你唔會滿足到每一個人對你嘅目光。

目標：減至120磅

雖然120磅在很多人眼中並非纖瘦體型，但Giann指，這個磅數令自己感到步伐輕盈，便以足夠。

對於一眾少女常常將減肥掛在口邊，Giann又有何寄語？「當你去諗其他人點睇嘅時候，你就會覺得呢個減肥好有壓力㗎喇！不如你淨係care自己係點睇，如果你覺得而家照鏡，唉有幾舊肉喺度好核突喎，唔得喎要減走佢，咁你咪去減囉！最緊要自己開心就搞掂喇！」