尼古拉斯基治又變萬能Key　加入正義聯盟冇難度

奧斯卡影帝尼古拉斯基治近年唔好話提名，連代表作都冇乜幾套，但佢個歇斯底里樣就經常成為改圖對象，玩了多年大家都厭啦，最近終於有新的代替品，不過今次唔係發癲樣，而係剛剛相反的無表情樣，影帝又有新素材！

原圖：

話說最近基治去了哈薩克，出席「第13屆歐亞國際電影節」，身為貴賓的他更有機會與哈薩克第一夫人Sara Nazarbayeva見面，為隆重其事基治換上哈薩克傳統服裝出席，但唔知係件衫太緊還是基治未食飯，兩人會面時基治竟木無表情，似嚴肅又似眼瞓，反而第一夫人就顯得好輕鬆。可能大家都「餓咗」基治的新改圖太耐，高手即刻出動褪地key圖，key做正義聯盟成員、《權力遊戲》男主角完全冇違和感，最好笑是key在特朗普和一眾元首身邊都完全冇問題，新一代萬能Key誕生！