《喵星人》忍痛割愛片段 詩雅喪屍式推鉛球 古仔父女窩心暖場
撰文：許育民
出版：更新：
現正上映的陳木勝電影《喵星人》，講述來自外星的喵星人犀犀利，來到地球與吳守龍（古天樂飾演）一家相遇的故事，當中有大量搞笑及感人情節。
套戲愈拍愈開心，搞到導演好多情節都唔捨得剪，但由於片長關係，最終都要割愛。其中有場詩雅喪屍式推鉛球的情節，就突破詩雅一貫形象，夠爆笑。
今次曝光的兩段刪剪片段，先有飾演退休門將吳守龍的古天樂，與乖女（劉楚恬飾演）的窩心片段。囡囡因天生左腳不良於行，令她在學校被同學排擠，身為爸爸的古仔一直努力賺醫藥費，一圓女兒想跑步的心願。於是古仔在學校門外扮鬼扮馬擺街檔賣東西，結果卻引來家長們不滿。古生雖然被罵，但為了不讓女兒擔心，他仍然搞笑地扮鬼臉故作輕鬆，最後更溫馨地與囡囡一同回家，完成是貼心爹哋的典範。
向來Cool爆的古生，今次做暖爸，非常過癮。（影片截圖）
兩父女互有「攻守」，溫馨滿載。（影片截圖）
你認唔認得佢，無錯，佢就係詩雅。
而另一條刪減片段則是古仔與衛詩雅的搞笑對手戲，兩人在運動場上推鉛球。詩雅於戲中飾演古仔囡囡的體育老師，唯一擅長的運動就是推鉛球，而瘦弱的她只要鉛球一上手，就會面容扭曲，好似喪屍上身，甚至連聲音都變得粗獷，大喝一聲叫古仔︰「行開」，就輕鬆將鉛球推到老遠。詩雅︰「我參考了平日睇新聞時見到的鉛球選手的表情，再誇張一點去演繹，雖然拍戲時不是用真鉛球，但都要做足熱身拉筋，否則好易扭傷腰。」被「喪」詩雅嚇到古仔的都有試推鉛球，但因見到囡囡而分心的他卻錯將鉛球拋向詩雅，場面搞笑。
呢個演出，驚嚇度僅次於《失眠》中的鬼樣。