由翁子光執導，影帝劉青雲及谷祖琳領銜主演的電影《爸爸》，改編自2010年曾經哄動一時的「荃灣享和街弒母殺妹案」，上畫後獲高度評價。譚耀文近日百忙中返港半日抽空入場支持後，發文卻疑似暗諷電影圈小圈子？

譚耀文日前發文，寫道︰「《爸爸》我終於趕到返嚟睇你，本來今日我只有半日時間留喺香港，但又要做幾件事，其中最重要的當然係睇佢﹗我只想說︰點解一部電影可以拍到男主角有提名、兼提名最佳新人，兼全城好口碑，而竟然導演一粒提名都無？」關於提名，相信是講緊於1月10日公布的《第18屆亞洲電影節》入圍名單，當中劉青雲入圍最佳男主角，戲中飾演兒子的蘇文濤入圍最佳新演員，但翁子光就未能入圍最佳導演。

為翁子光抱不平之餘，譚耀文留言最後兩句「以為戲院越來越小…點知圈子仲小…」被網民解讀為諷刺小圈子選舉。不過相隔2小時後，譚耀文便編輯過帖文，刪去後面幾句感受，不過已有網民截圖更惹起熱議。

譚耀文跟翁子光在電影《風再起時》有合作過，惺惺相識。而譚耀文亦在1999年憑《野獸刑警》奪得第18屆香港電影金像獎最佳男配角，2001年又憑《野獸之瞳》贏得第38屆金馬獎最佳男配角。