【盜墓者羅拉】吳彥祖預告片登場 1秒閃現落足眼力
撰文：許育民
出版：更新：
安祖蓮娜祖莉（Angelina Jolie）拍的《盜墓者羅拉》（Tomb Raider），確實是一代人的經典。2018年將會上映的新版，由憑《丹麥女孩》奪奧斯卡最佳女配角的艾莉西亞菲瑾德（Alicia Vikander）主演，不過對於香港人來說，最搶眼的應該是飾演船長，好耐冇見的吳彥祖，在最新的短版預告上，就有一幕露面。
Daniel你好，好耐冇見喇，確有少少掛住佢。
其實這條預告算係正式預告的「預告」，只得15秒長，用來話俾大家知聽日有正式預告。電影換上瑞典女星艾莉西亞菲瑾德飾演新版羅拉，之前從劇照看，其實都幾吸引，睇埋條片，15秒內動作連場，跑下射下箭又跳落水又跳過墓穴機關，總之15秒就係精彩啦！
艾莉西亞菲瑾德的Cool，又有另一種好睇。
相關文章︰吳彥祖拍《盜墓者羅拉》赴南非搭香港漁排景︰我好掛住香港
至於點解有吳彥祖出現，故事講飾演羅拉的Alicia Vikander，父親失蹤7年，21歲的她仍拒絕接管父親的商業王國，寧願在倫敦做速遞員（唔怪得跑得咁快）。後來得知爸爸的失蹤跟日本一個古墓有關，並得知身處香港的船長Lu Ren陸仁（吳彥祖飾）會幫到佢，於是出發到香港。據悉劇組最初確實有考慮來港實地取景，但後來因各種理由而被逼改為在南非開普敦影城，搭建一個香港仔漁排場景拍攝。
今年5月，Daniel公開他在南非拍緊《盜墓者羅拉》的情況，現場還搭了一個香港漁村景，製作認真到可以俾船行。