【密戰】郭富城榮升爸爸後第一擊　演情報員狂打風裡密碼

今年9月榮升為爸爸的郭富城，呢一刻都應該手忙腳亂，係唔知佢忙緊搞唔搞個百日宴，定係周圍問緊人點幫個女戒夜奶。
爸爸很忙，但都應該好享受呢刻湊女樂，相信都有等多一排先會見到城城重投工作，而家就睇住佢先前拍落的作品。電影《密戰》將於11月3日在內地上畫，城城在戲中飾演情報員，日前便公開了一條終極預告，話明終極，梗有重要場口睇，片中就見他赤裸上身，被敵方嚴刑烤問的場面，未睇故事，睇鋼條城一身肌肉已經想入場啦！不過電影未有安排在香港上畫，要睇？就要「翻牆」北上。

這部被譽為跟《風聲》與《聽風者》，情節同樣緊湊的間諜電影《密戰》，由郭富城、趙麗穎、張翰、任達華、張藍心主演，故事講歷史上淞滬會戰後，上海淪陷，地上組織的情報員林翔（郭富城 飾）奉命到上海，負責重建慘遭破壞的地下抗日戰線，並遇上性格單純富正義感的蘭芳（趙麗穎 飾）相助，並組成一隊假夫妻以方便行動。但期間林翔被敵方發現身份，捉拿去嚴刑烤問，要靠在外的蘭芳救援。

在這條終極預告可見，城城被蹂躪得不似人形，用電流用棍毆，不過城城身為主角，當然不會畏懼這些雕蟲小技，全程依然靚仔，起碼個頭無亂，亦對自己身處的絕境處於泰然。至於一身鋼條身形，就更加是看得人眼定定，五十有一的城城都仲Keep到咁正，係值得敬佩。

電影其中一節是要講城城的假妻子趙麗穎，怎樣花盡心力去營救「丈夫」，而她面對的正是戲中兩大反派任達華同張藍心，看見正邪兩派都勢均力敵，相信會是一場精彩的鬥智鬥力的較量。