【臥底巨星】陳奕迅被Chris Collins打到飛起：畀人打好過打人
撰文：施玲玲
出版：更新：
提到香港電影，點少得動作喜劇，由谷德昭執導，陳奕迅、李榮浩主演的電影《臥底巨星》今年率先打頭陣，除了是二人第一次在大銀幕合作，亦是陳奕迅首次挑戰動作戲，一嚟就演動作巨星，雖然係過咗氣嗰種，仍然為角色落力接受訓練，仲打到周身傷，不過你就大方表示寧願被打都不願打人，因為就算明是做戲都好怕傷到別人，Eason好溫柔啊！
陳奕迅在《臥底巨星》有不少動作戲，他笑言寧願做畀人打嗰個。
Eason為拍戲今次都落足力練武，值得一讚。
電影《臥底巨星》的故事圍繞武打巨星展開，飾演主角元豹的陳奕迅首當其衝有不少動作戲，事前訓練絕對唔惹少，例如在最新的製作花絮中，Eason就被Chris Collins打到飛起，他更透露拍完後全身都是瘀青，但再辛苦都好他也認為畀人打好過打人，只因怕傷到別人，有幕不小心打到武行師傅已令他大為緊張，「打人好得人驚，雖然只是做戲，但我都好怕傷到人，好危險。有得揀我都係會揀畀人打。」
李榮浩和陳奕迅主演的《臥底巨星》1月18日就上映。
《臥底巨星》的宣傳海報太玩懷舊。
不過其實Eason大可以放心，因為他的表現連電影武術指導洪金寶兒子洪天祥都讚不絕口，不止大讚他學習能力高，又夠勤力，「Eason好勤力，對自己要求好高，有時我都收貨佢都會話嚟多take，想再做好啲！」而戲中拍檔李榮浩都忍不住表示有次見導演剪片，一度以為Eason用替身。
而繼早前阮大勇大師繪畫的海報發放，《臥底巨星》再次同步推出「武林至尊版」海報，Eason赤裸上身爆肌紮馬練功，李榮浩則在他身旁倒滿碗內的水，十足成龍當年的作品非常搞笑。是次海報由Sunny Lau設計，他透露參考了很多70及80年代的賣座動作電影海報，希望由海報到電影都可以帶很多集體回憶給觀眾。
+8