【獨家】爾冬陞老來得女父愛爆燈 「總會憂慮我仲跑唔跑到?」

撰文:許育民
出版:更新:

現年60歲的香港金像名導爾冬陞(小寶),兩年前跟現任女友誕下女兒Teresa,以58歲之齡榮陞做高齡新手爸爸。
本身是件值得高興的事,不過創作人總是有多一分愁善感,問到老來得女感受最深之處,爾冬陞坦言︰「我會憂慮到佢識跑時我仲跑唔跑得郁,會唔會見到佢結婚呢?」口中憂心,但行動積極。「我現在隔日就去跑步,我都冇諗過會有咁大動力。」

小寶特意將自己兒時相片(左)跟女兒(右)合拼,非常相似。(相片由爾冬陞提供)

希望陪佢走到結婚時

一直未有計劃生育的爾冬陞,女兒的出世無疑是一份極大驚喜,相信當日小寶都要花一點時間去接受和適應。「我相信我不會是圈中最大年紀得子的一個,但自己都不年輕,實在需要調節心情,我當時就抱以順其自然的心態去面對,是一個好好的感受和體驗。」

女兒出世前,是既期待又憂心的過程,直至女兒誕下,心情會多一份喜悅,不過另一種憂心又湧至。爾冬陞說︰「畢竟自己都年紀不輕,我會憂慮到佢識跑時,我仲跑唔跑得郁呢?又會唔會見到佢結婚呢?」

女兒的出世,對爾冬陞的日常生活影響非常大。(相片由爾冬陞提供)

60歲爾冬陞兩年前榮陞老竇 「呢個係人生另一個挑戰」 

人生一次Reboot

擔心可以成為負能量,累積之下會成為爸爸式的「產後抑鬱」。但同樣,擔心都可以化成動力,令當事人積極面對,去克服。爾冬陞便是後者,嘗試積極面對。「我想陪女兒走更遠的路,就要先鍛鍊好自己身體,雖然平時都有做運動,但很少持之以恆。直至女兒出世後,估唔到自己可以隔日就去跑步,已經維持了好一段時間,未諗過會有咁大推動力。」

人生總會有些時候不知所措,感到前路茫茫未知去向,爾冬陞也有類似的經歷,不過女兒的出現,又是一個轉向的機會。「她不單為我注入新動力,更予我一個人生Reboot的機會,感受很深。」雖然女兒得2歲,但對小寶的影響已相當大,相信往後大家會在導演的作品上看到更多變化。

爾冬陞近日有跑步的習慣,就是為了強身。(黃寶瑩 攝)

【爾冬陞】金像導演情史繽紛 余安安、張曼玉都與小寶有過一段情