【人類總要…】《Vanity Fair》P圖P出事 荷里活女星驚現3手3腳
撰文：陳穎思
出版：更新：
本年度的《Vanity Fair》華麗明星封面乍看完美，但原來P圖P出大件事。（網上圖片）
荷里活雜誌《Vanity Fair》於每年初的頒獎禮季節，都會找來大堆頭明星拍封面，本年度的陣容亦一如以往般鼎盛，包括影帝、影后級人馬如妮歌潔曼（Nicole Kidman）、湯漢斯（Tom Hanks）及羅拔狄尼路（Robert De Niro），亦有人氣爆燈的「神奇女俠」姬嘉鐸（Gal Gadot）及新人Zendata等十多位於去年話題十足的人物。這一輯相片由著名女攝影師Annie Leibovitz操刀，但公開的封面照中，影后麗絲韋花絲潘（Reese Witherspoon）竟驚現3隻腳，而另一張花絮照中亦見名嘴奧花雲費（Oprah Winfrey）出現3隻手，明顯執相出事，淪為網民笑柄。
奧花雲費右手叉，左手摸大脾，仲有一隻手攬住麗絲韋花絲潘。（網上圖片）
《Vanity Fair》每年一期的華麗明星封面都大受歡迎，事關難得齊集一眾頂級荷里活明星，個個打扮得花姿招展，Chok出最美妙的姿態來拍照，幾乎每一期封面都是Wallpaper級數的美麗照片。可惜今次卻犯下如此低級錯誤，身受其害的麗絲韋花絲潘亦留言自嘲一番：「我估大家現在都知道…我有3隻腳，我希望你能夠接受真實的我」，而另一受害者奧花雲費就未有回應。此外，《Vanity Fair》本來邀請了占士法蘭高（James Franco）參與拍攝，但受其性醜聞影響而臨時作罷。
麗絲韋花絲潘都唔弱，有3隻腳，左腳繞右腳再繞左腳。（網上圖片）
過往的封面都好靚，今次真係千年道行一朝喪。（網上圖片）