【金像獎2018】《貪狼》陳漢娜入圍最佳新演員：最想古仔攞影帝
撰文：郭敏玲
出版：更新：
陳漢娜在《殺破狼．貪狼》做古天樂的女兒。（網上圖片）
《第37屆香港電影金像獎》的入圍名單已經出爐，五位得到提名「最佳新演員」的演員，其演出都讓人眼前一亮。而憑《殺破狼 ‧ 貪狼》入圍的女新人陳漢娜表示好驚喜，她回應傳媒指：「我有份去拍《殺破狼 ‧ 貪狼》、有份去做李穎芝呢個角色已經好幸運。最想多謝葉偉信導演，冇佢揀我呢這個角色，我根本冇機會入圍。今次我盡咗力演出，覺得提名已經好足夠，心滿意足，而我呢個角色發揮空間始終有限，所以冇信心攞獎。」
陳漢娜好想古天樂攞影帝。（網上圖片）
陳漢娜沒有信心得獎，源於對手太勁嗎？她否認：「一齊入圍嘅演員都係好演員，我唔會視佢哋為競爭對象，因為我覺得能夠幫到香港電影界出一分力都好開心，我好想之後一世都做電影！」講講吓，陳漢娜出口支持古天樂拎影帝：「其實邊個拎新演員都無所謂，反而我好想戲入面的父親古天樂可以拎到影帝，在片場係完全感受到佢的震攝力。最後，好開心《貪狼》有9個提名，自己能夠參與呢套戲演出已經足夠，我自己拎唔到獎唔緊要，古天樂拎到就最好，同埋拎埋最佳電影喇！」
+5