【金像獎2018】《29+1》獲7提名 準影后周秀娜：新年最好嘅禮物
2017年的港產片中，有一套從舞台劇改編而成的電影深得民心，幾乎可說是17年唯一一套零負評的港產片。在口碑與票房上雙雙獲得成功後，於今天揭曉的金像獎提名名單中亦有不少斬獲，總計有7項提名，包括最佳導演、最佳編劇、最佳女主角、最佳女配角、最佳原創電影音樂、最佳原創電影歌曲及新晉導演。作為彭秀慧Kearen的第一套電影，成績斐然。
由舞台劇演員走到電影導演，彭秀慧首次執導便同時獲得「最佳導演」與「新晉導演」雙導演獎提名，相當難得之餘亦更見其於電影上的天份。面對今次的好成績，Kearen表示相當驚喜：「某程度我已經預咗周秀娜會入圍，所以知道欣宜都入圍最佳女配角，我感到非常輕奮！另外入圍最佳原創電影音樂及最佳原創電影歌曲亦都令我好開心，我由一開始已經好希望佢哋可以獲得認同，所以最後令我開心到喊。」而面對自己一人獨自獲「最佳導演」、「最佳編劇」、「新晉導演」三個獎，Kearen卻表示意外：「太過意外，好似好耐冇試過咁興奮，但入圍其實已經係一個肯定，好多謝投我票嘅朋友！最後能否拎獎隨遇而安，我呢家集中準備3月嘅舞台劇。」電影如此受歡迎，相信《29+1》舞台劇也會大賣，亦令Kearen找到更多知音！
而首次獲提名的周秀娜（Chrissie）亦表示既激動亦開心：「呢個提名係新年最好嘅禮物！其實本身自己冇咁激動，但啱啱Joyce（欣宜）打畀我同訊息不斷響起時，佢哋令我心情變得激動！成個團隊可以角逐唔同嘅獎，係令我最開心嘅事，因呢班團隊先有咁好嘅電影。」今次Chrissie在《29+1》的表現相當亮眼，不少人看過後都表示對她技演刮目相看！相信若果由她奪影后，大家也不會覺得意外。
而一向性格樂天，情緒容易激動的鄭欣宜Joyce也相當興奮不已，覺得整件事好Crazy！「我完全冇諗到我會得到提名，因為我根本唔熟悉電影呢個世界，呢個世界唔係屬於我架，我搞音樂嘛，所以呢件事好癲、好癲呀！」而面對自己獲得提名，Joyce最想多謝的就是導演彭秀慧：「我好記得我拍攝，當時係做緊《女神》呢首歌，同《Joyce》呢隻碟嘅，我就同導演彭秀慧講，死啦，我唔係演員，我好驚我唔識呀，跟住佢俾咗好多信心我。佢一定要攞最佳導演獎，因為佢喺我心目中係最佳導演，如果唔係佢嘅話，我唔會有信心去做到黃天樂呢個角色。」欣宜可以考慮未來花更多時間與心思在電影上，在芸芸電影中能夠有提名已經相當難得，亦證明了欣宜有一定的演技實力與觀眾緣。