【棟篤特工】黃子華拍片鳴謝28位串星　「多謝大家拯救票房毒藥」

一直有「票房毒藥」之稱的黃子華，雖然人氣度極高，而且近年更被封為男神，不過人氣過戶唔到去票房，由自己擔正或執導的電影，票房上往往都失利而回。
今年難得有賀歲片登場，子華都想趁呢個機會，一洗這股衰氣，勁碌人情卡，找來多位巨星客串。人家有心，自己都要拿出誠意來，當中便一共講了35 次多謝、8 次唔該同埋7 次 thank you。

35次多謝 8次唔該 7次thank you

由子華同佘詩曼主演的《棟篤特工》，將於2月15日年三十晚上映，昨晚子華便自拍短片放上網，目的是答謝仗義客串幫忙的一眾巨星，當中有影帝、影后、天后、視后等，驚喜程度真係屬頂級。

一直以來，電影串星好少會事前公開，希望留番一點點神秘感給觀眾，不過子華今次大晒冷都冇有怕，因為子華將各人的演出形容得天花龍鳳，有今生冇來世咁，就好似要在這部《棟篤特工》先會睇到對方的驚喜演出，所以哪怕你爆晒所有人名，經子華咁樣形容後就更加有吸引力。

逐一答謝的28位巨星包括鄭秀文、楊千嬅、許冠文、譚詠麟、張智霖、蔡少芬、鄭丹瑞、鄭中基、吳君如、草蜢、王敏德、鄧兆尊、張繼聰、張達明、苑瓊丹、盧海鵬、許紹雄、林雪、羅蘭、鄭欣宜、林子善、張國強、趙榮、詹瑞文、湯鎮業、盧惠光、白只、專家Dickson。呢個名單一出，都應該佔去半個娛樂圈的當紮紅人。子華點樣靠自己把口將一眾演員形容得更精彩呢？而家同大家睇睇。

【棟篤特工】黃子華做悔婚男　陳慧珊謝安琪爭住拍片鬧衰佢【棟篤特工】波多野結衣出私伙迎子華　下周陪你過情人節

多謝Sammi自己set晒頭過來

多謝Chilam肯做一樣咁得意嘅嘢！

【棟篤特工】黃子華做埋導演工作？　導演：佢會幫手教演員點做【棟篤特工】喜獲子華認證頭號Fans　C君︰佢令我以幽默去看世界

鄭中基個角色嚟一嚟走咗佢又嚟！

唔識楊千嬅︰「你做咩嚟幫我哋嘅？」

林雪拍呢套戲差啲死咗！

其他客串影星仲有……