【年宵2018】招積張建聲現身維園 勁Sell《棟篤特工》《反黑》

撰文:羅偉強
出版:更新:

每年春節其中一項指定動作,定必是行花市,買個風車轉轉玩。而今年維園花市就必然會出現一陣紅光!事關憑《反黑》彈起的張建聲Justin,將會現身hmv數碼中國集團的攤位,屆時將出售《棟篤特工》及《反黑》的產品。

紅噹噹的《棟篤特工》雖然甚具新年氣氛,但除非是子華神超級fans,否則都有點能用得上。

由黃子華及佘詩曼主演之狗年賀歲片《棟篤特工》,電影公司所出產的一系列產品,包括 iPhone 電話保護套、以特工手提銀篋作為圖案的 tote bag 以及暗藏「槍械」圖案的迷你特製麻雀;而 hmv 的招牌狗仔 logo,正好配合狗年福到,所以亦化身招財狗,推出 cushion、頸枕及風車,仲有三合一幸運套裝 ─ 有齊魚蝦蟹、估大細同電動骰盅,啱晒成班朋友新年玩樂,新年又點可以唔賭返幾手呢!

更多《棟篤特工》產品:

招積cushion相當招積,如果張建聲親自sell,一定買!

至於去年憑《反黑》「招積」一角爆紅的張建聲 (Justin),亦在年宵蒲頭,產品有招積漫畫圖案的手機殼、招積變色杯及招積 cushion,有杯又有枕,招積任你攬,Justin更講到明會做生招牌:「好多謝老闆蕭定一幫我出『招積』product,係我人生第一次有自己嘅產品,加上《反黑》有咁多支持者,真係好感恩,我會叫晒啲親戚朋友嚟捧場,希望賣晒去,呢次我起碼去花市三日,拋埋個身出嚟賣!」Justin 透露仲有一款未曝光的特色產品,會在明日正式曝光。

更多《反黑》年宵產品: