【大樂師】姜皓文雙提名金像最佳男配角 「有少少擔心分薄票源」
撰文：羅偉強
出版：更新：
港產輕喜劇《大樂師．為愛配樂》未上映率先獲個金像獎提名，為電影打響頭炮。原訂上年12月上映，但因各種原因延至今年3月1日方上映，望穿秋水下終於在今夜（2月26日）假奧海城舉行首映禮。
鄭中基帶埋老婆余詩敏出席《大樂師 ‧ 為愛配樂》首映禮。（黃國立攝）
昨晚（26/2）《大樂師》一眾台前幕後均群空出席首映，由監製田啟文及導演馮志強帶領一眾演員，包括鄭中基、顏卓靈、姜皓文、周秀娜、白只等現身。除了《大樂師》本身的台前幕後外，黑哥姜皓文太太殷寧與鄭中基妻子余思敏均有出席是日的首映，足見夫妻間鶼鰈情深。
黑哥嫂幾乎會出席所有黑哥參演電影的首映禮。（黃國立攝）
上年以大熱姿態失落金像獎最佳男配角的姜皓文，今年以《拆彈專家》及《大樂師．為愛配樂》兩部戲再度獲提名最佳男配角，更是以雙提名的姿態競逐。但對於雙提名，黑哥表示驚喜之餘其實都有些隱憂：「我都有少少擔心分薄票源，但都驚唔到咁多，平常心面對。」那麼黑哥自己又較喜歡哪一個演出多點呢？「兩套都鍾意，兩套都好畀心機去演！不過坊間一直都講喜劇比較難有提名同難有獎，所以都覺得可以用《大樂師》提名好難得。」至於談到自己的競爭對手，黑哥就表示自己一直很敬重同樣是雙提名的日本資深演員倉田保昭先生：「我細細個已經睇佢嘅戲，一直都覺得佢好型格！今次可以一齊角逐已經好開心！」識英雄重英雄！預祝黑哥今年可以奪得殊榮！
黑哥在《大樂師》的演出是認真地搞笑。