【盜墓者羅拉】吳彥祖捱20年首擔正荷里活大片:拍戲同玩改裝一樣

撰文:林穎嵐
出版:更新:

港產男神吳彥祖(Daniel)近年成功走入荷里活,今年新作《盜墓者羅拉》(Tomb Raider)可算是他首部擔正演男主角的荷里活大製作。這位轉眼間入行已20年的港產男神,演出過無數港產電影,就連廣告、美劇都接過不停,但當大眾以為他響往娛樂圈的五光十色時,坦白說,其實香港人從未認真了解過Daniel,「其實你的夢想是甚麼?」

首次在《盜墓者羅拉》中擔正的吳彥祖,早前在內地節目《漂亮的房子》中設計了名為「木蘭坊」的草原星空圖書館。(網上圖片)
Daniel親手設計的草原星空圖書館「木蘭坊」。(網上圖片)

《盜墓者羅拉》男主角、今年43歲的吳彥祖(Daniel),出生於美國加州Berkeley,畢業於美國俄勒岡大學(University of Oregon)建築系,直至97年才返港入行做模特兒,被導演楊凡相中參演電影作品,拍攝過數十部港產電影,不過,近日他接連贏得多項建築界殊榮,更笑問粉絲應否回去做建築師?

Daniel早前接受《香港01》專訪時說:「我當年讀完建築唔做建築師係因為,我唔想做專業建築師,建築呢個工作,成個程序都好悶㗎,太專業啦!」他年初在內地節目《漂亮的房子》中設計了名為「木蘭坊」的草原星空圖書館,設計參考自傳統蒙古包,作品隨後獲選入圍「建築界奧斯卡」英國皇家建築師學會獎(RIBA International Prize 2018),「當時我係諗,可以融合傳統同現代化建築,嗰次係6個人一齊構思,再一齊落手落腳起間屋,我好鐘意呢個Jam橋嘅過程。」

Daniel最初入行做模特兒。
吳彥祖畢業於University of Oregon,熱愛舞術的他現時還會參與母校的舞術團體活動。(網上圖片)

Daniel在年初奪得「建築界奧斯卡」後,後來又憑改裝車「TheTantō」入選美國最大型SEMA(Specialty Equipment Market Association)改裝車展的十大汽車,「我一直都好想好想自己改裝一架車,只係香港改車係犯法所以一路冇做,咁呢幾年都長期留喺美國,所以先有機會完成夢想。」據報導指Daniel設計「TheTantō」時,不惜花心機在世界各地找零件,他笑言過程好玩有趣,是他一直響往的「創作」,「其實改裝同拍戲一樣,好似拍《盜墓者羅拉》咁,我哋喺現場成日改劇本,因為拍戲總有好多突發情況,大家幾個演員演戲方法又唔同,現場一齊jam下然後拍到一部好睇嘅戲,呢個過程就係創意,大家合作一齊完成件事,感覺好似業餘設計師咁,好玩有創意,冇太多考量。」

【盜墓者羅拉】吳彥祖預告片登場 1秒閃現落足眼力

Daniel的心血改裝車「TheTantō」入選美國最大型SEMA改裝車展十大汽車。

Daniel坦言拍戲與設計兩者沒有衝突,或者這個正是他入行20年依然堅持演戲的原因。近年曾多次受訪的Daniel,我多少都跟他訪談過數次,記得首次他提到初期入行,演出過許多跟自己不太抱襯的角色。Daniel早年演過《Miss杜十娘》、《豐胸秘CUP》……相信大家都從未聽聞吧?直至後期,Daniel終於有機會演出自己心儀的動作片,直到今日他走入荷里活,作為香港影迷著實為他高興。今年他的最新作品《盜墓者羅拉》,在戲中飾演香港船長陸仁,將會與羅拉結伴尋父。Daniel指,今次拍攝地點在南非,整個劇組在該地逗留長達4個半月,在戲中有不少動作鏡頭的他,笑言拍攝工作不算辛苦,「唯一辛苦係其中一場戲,講我同羅拉喺船上,風急浪大,現場已經唔係實景拍,係企喺一架大型道具船上,工作人員遙控架船搖擺,根本唔使演戲,企喺上面已經好驚,幾乎跌落船。」

Daniel指今次拍攝《盜墓者羅拉》非常愉快。
吳彥祖首次與金像女配角Alicia Vikander合作,笑言他是一位勁捱得的女生。

《盜墓者羅拉》故事講述由瑞典女星雅麗茜亞維嘉達(Alicia Vikander)飾演的羅拉,父親失蹤7年,她堅拒接管父親的商業王國,在倫敦做單車速遞員維生。後來得知爸爸的失蹤跟日本一個古墓有關,知道身處香港的船長能助她一把,於是便展開尋父旅程。該片已於今日(8日)正式上映。

+2