【金像獎】鮮浪潮成敗同獎項無關 杜琪峯:向來唔認同評選制度

撰文:林穎嵐
出版:更新:

七十年代入行的資深導演杜琪峯,人人尊稱他杜sir。杜sir之名並非浪得虛名,除了其個人在電影業內成績輝煌之外,更是一群本地電影新秀的苦海明燈。在2005年至2006年期間,杜sir發起了一個名為「鮮浪潮」的大專生短片比賽,計劃推行至今已經約13個年頭,到底杜sir如何評價它的成敗?而他們能否踏上金像獎舞台,又是否可作準則?
攝影︰陳順禎

杜琪峯自2005年起發起鮮浪潮計劃,讓年輕人有平台發揮。

去年的香港電影金像獎頒獎禮,可說是近年最關注年輕電影人的一屆,《樹大招風》、《一念無明》、《點五步》……每部都是年度最高質作品,而且出自新晉導演包括許學文、歐文傑、黃偉傑、陳志發、黃進等之手,尤其是《樹大》更是囊括多個金像獎包括最佳導演、最佳電影等大獎。相信許多人都知道這個計劃的背後大師就是杜sir,作為發起人,對於《樹大》得獎本應相當高興,但提起此事,他似乎異常冷靜,「一個電影人得唔得,唔係一個電影金像獎可以決定,同樣地,金像獎亦唔係決定我哋年輕一代得唔得嘅準則。」

由杜sir發起的《樹大招風》電影拍攝計劃在去屆金像獎上奪得好成績.

如果大家有留意杜sir動態,相信都知道他一直不熱衷於出席各大頒獎禮,甚至甚少發言評論獎項的認受性,「我好坦白講,香港電影金像獎係來自工業,唔係來自電影,我不嬲唔鍾意呢個獎嘅評選同評論電影嘅制度。」他笑言自己是一個「符碌」電影人,即使自己是多屆金像獎得獎者,他也笑言只是緣份,「有年金馬獎,我都諗住唔去,又有李安《臥虎藏龍》,又有王家衛《花樣年華》,點會俾我,點知我真係憑《鎗火》拎到,你話我係運氣定係實力?冇人知。」他更指,《樹大》如果當時遇上另一部更厲害的電影,那得獎的可能就不是它,但杜sir說:「畀你拎咗個獎,代唔代表你成功呢?拎唔到又代唔代表失敗?」此話的確值得深思。

由杜sir從鮮浪潮計劃選出的3位導演成功拍出2017年的「最佳電影」《樹大招風》。

【金像獎】影壇書法家曾為《跛豪》寫戲名 杜sir星爺都登門求字

 

「我覺得,一個獎喺咩環境下,選出咩人都唔重要,你入得去參賽就要接受佢個制度,就算佢選咗啲我識嘅人,咁又代表咩?……其實咁多年來,我已經表咗態,金像獎堆人鍾意玩咩,隨便你哋玩。我不嬲唔認同佢個評選制度。」杜sir說。將於本周日(15日)舉行的第37屆香港電影金像獎,今年的提名名單跟往年比較,熟悉的名字多了,新秀的氣勢卻消失得無影無蹤,是否等同新秀崛起之勢又開始回落?「當初我推行鮮浪潮時都知道,冇十年都唔會有成績,唔可能話一、兩年就有成果。」

提到年輕電影人的未來,杜sir認為他們需要的是一個可自由創作的平台作起步點。

鮮浪潮推行至今已邁向第13年,若果10年結一次果,那收成期是否將至?「睇番呢幾年,陸續都有鮮浪潮參賽者有自己嘅長片作品,慢慢行出第一步,證明年輕人係需要一個平台,至於點發展,佢哋係會就住自己身處呢個時代,自己去調節。」杜sir認為,鮮浪潮的真正意義是讓缺乏機會的人能夠踏出第一步,「呢個平台一直講求獨立,意思即係唔受商業因素影響,俾佢哋盡情發揮,而呢個計劃係會持續,會成為一種氣氛,而呢個氣氛會成為新一代攝製生涯嘅其中一個起步點。」