【金像獎2018】毛舜筠首獲影后 渴望與「兒子」凌文龍合作喜劇
撰文：賴家杰
出版：更新：
金獎像昨日就已經新鮮出爐影帝影后花落誰家，男主角由古天樂奪得，女主角就由毛舜筠奪得，二人同樣都係首奪呢個獎項，至於在慶功宴當中MO姐都有出席到現場，佢表示到而家心情仲未能夠平伏：「其實真係冇預過自己能夠得獎，而家唔識形容呢種心情，患得患失嘅感覺，之後真係得咗，太興奮啦。」
對於MO姐能夠奪得影后，相信大家都唔會意外，但對於佢本人嚟講就十分意外，因為MO姐原本已經買定機票去日本同好友散心：「而家會同係好友去慶功旅行後，再返嚟煮七日七夜大餐比有份幫助我，有份投我一票嘅朋友比佢地食餐好，因為大家都知道我係一個藍帶廚師，菜式方面係法國菜，因為我讀藍帶嘅時候係學法國菜。」
毛舜筠對自己得獎感到意外。
講到自己喺戲入面飾演佢仔仔嘅凌文龍，於金獎像奪得最佳新演員獎項，MO姐在台下見到都非常開心，更表示未試過見到人地拎獎自己都想喊。對於會唔會想拍續集，MO姐講到：「已經同導演講咗，但今次想同佢合作演喜劇，因為有留意文龍佢演舞台劇方面好有POWER，所以覺得佢好適合演喜劇。」