【復仇者聯盟3】開畫票房破史上紀錄　1037萬佔全港票房93%

Marvel Studios 10周年重頭巨獻《復仇者聯盟3：無限之戰》，昨日（4月25日）終於上畫，單計半日時間已經報數有600幾萬，然後最後結果勁收 $10,371,539，成為香港史上開畫日票房冠軍。

萬眾期待的《復仇者聯盟3：無限之戰》，票房大收就預咗，但數字到底有幾驚人呢？據最新票房數字提供，《復仇者聯盟3：無限之戰》 昨日有91,779人次入場，勁收 $10,371,539破。以原班人馬計算，都已經超過《復仇者聯盟2：奧創紀元》開畫日保持的$9,616,749 紀錄。此外，昨日票房總數更佔全港票房（$11,198,095）的 93%，人數上亦佔全港戲院 （103,893人）88%，睇嚟成為本年度No.1片霸無懸念，而家目標要係打破香港電影史的票房紀錄。

其實要數近年開畫數字，都係Marvel漫畫的世界，例如第二位就係《復仇者聯盟2︰奧創紀元》，收$961萬，第三位係《蜘蛛俠2︰決戰電魔》，收購965萬，而第四位才是DC的代表，《蝙蝠俠對超人︰正義曙光》，不過都少一大截收$788萬。