【復仇者3】Marvel電影總裁談十年最後悔決定 竟然係雷神中招？
撰文：陳穎思
出版：更新：
全城期待的Marvel十年大作《復仇者聯盟3：無限之戰》（Avengers: Infinity War，下稱《復仇者3》）昨日終於上映！未睇嘅你，請放心看下去，因為呢篇冇劇透；已睇嘅你，相信都有好多感受想抒發，但記得千其唔好劇透呀！
與一眾超級英雄十年來共生死、共榮辱的Marvel影業總裁Kevin Feige，最近被問到眾多作品與細節中，最後悔的一個決定是什麼，他竟然答…
Kevin Feige在Marvel電影世界有著舉足輕重的地位，但他跟Marvel Studios的合約到本年尾便結束。（Getty Images）
同「雷神」（Thor）有關！不少觀眾覺得《雷神奇俠》系列是Marvel電影宇宙裡質素較差的一個，但飾演「雷神」的基斯咸士禾夫（Chris Hemsworth）就魅力十足，高大靚仔專一顧家…戲裡戲外都是神一般的人物，究竟Kevin有咩唔滿意呢？「我諗起都想笑…肯肯定，肯肯定要重頭再做一次嘅事，就係我哋唔會喺第一集《雷神奇俠》幫基斯咸士禾夫染金條眉。」
Kevin Feige話最後悔幫基斯咸士禾夫染金堂眉，但雷神成個人嘅重點唔喺眉毛度。
其實佢唔講、你唔講、我唔講，有幾多人會留意基斯堂眉出咗事？「因為我哋覺得，雷神係金毛嘅！佢（基斯）都應該要係金毛！咸士禾夫好掂呀，完全消化到，不過我睇完幾個鏡頭，就覺得：『天呀，陰公囉，我哋幫佢染咗堂怪眉』，好諷刺囉！不過我宜家真係笑得出，因為咸士禾夫係雷神，唔需要長髮、披風、大鎚或隻兩粒眼珠，都係雷神。」
人生有幾多個十年！正如Kevin Feige話齋，享受過程比結果重要。
Kevin強調每一部Marvel電影都有值得改進的地方，拍完睇同隔幾年睇又會有不同想法：「拍完部戲睇一次，要幾年之後先再敢去承認：『噢，我哋真係唔係被迫收檔同趕住上映』，真係覺得拍出唻效果幾好。再次去睇啲戲點成長同改變都係一件趣事，有啲作品係成功的，但我哋自己知咩事，知道仲有幾個版本會有更好效果，但最後最後，結果都係其次，最重要係過程。」