【某日某月】回到92年美好時光 電影宣傳復刻四大天王Yes！Card
撰文：許育民
出版：更新：
由原島大地、湯怡主演的《某日某月》，時間線定在香港的1992年。
在這美好的年頭，對一眾7、80後來說，是充滿回憶的，而戲中就出現大量屬於90年代的產物，當中包括流行曲、黑膠唱片、倪匡小說，以及代表住香港樂壇盛極的︰Yes！Card。
英皇電影為宣傳《某日某月》，由今日開始將這份回憶帶俾大家，於全港數間戲院門外，設立Yes！Card機俾大家扭卡，當中有24款俾大家扭，不過扭還扭，小心Jam卡。
92年的黎明，其實同家陣都差唔遠。
當年劉德華有去前蘇聯拍音樂特輯，呢個就係其中一張劇照。
雖然年輕的一代，已經答唔出四大天王係邊四個，但只要你經歷過90年代，你就會感受到四位為娛樂圈帶來的衝擊有幾大。當年做學生的，四位當中你總要揀一位來支持，其中劉德華跟黎明的火拚味道最濃，扮中立的多數揀張學友，而郭富城就因為是最後才被列入王位，向來有種後追的感覺。
老老實實，當年抽到學友張卡，係會慘叫的！
男生們，你今天還在梳這個髮型嗎？
電影故事圍繞90年代，所以導演劉偉恆也特意為電影找來張學友的《還是覺得你最好》做電影歌曲，預告片一出，音樂一起，「即使你離開～我熱情未改～」而且因為歌詞都係講一對情侶離別前的愁緒，所以都非常有意境，歌影合一就係呢種。
正因為故事發生在這個年代，所以電影公司宣傳也特意製作一批全新的Yes！Card，俾大家重拾扭卡滋味。這套卡一共有24款，當然是以電影《某日某月》的劇照為主，包括主角原島大地、湯怡，連帶一眾配角陳茵媺、呂頌賢、夏韶聲、雷頌德、邵美琪，甚至導演劉偉恆都有份，其中你仲有機會扭到原島大地、湯怡的閃版。不過重中之重是24款當中，內藏Thanos級的隱藏大佬，就係四大天王，而且4張卡仲係復刻當年的版本，非常有紀念價值。
【某日某月】返回1992的校園愛情 湯怡原島大地重現移民潮的遺憾
其中一款，兩位主角更扮成《天若有情》的模樣，相當90s。
其實今次主打是《某日某月》的劇照，當中會有17張白卡及3張閃卡。
暫定有5間戲院可以俾大家去扭，戲院數量會陸續增加，敬請留意《某日某月》專頁的報道。
Cinema City朗豪坊
Cinema City Candy Park愉景新城
GH The SKY奧海城
EMP英皇戲院 屯門
THE METROPLEX
+13