桂莉芙憶遭Harvey Weinstein騷擾 舊愛畢彼特護花：再搞佢殺咗你
撰文：陳穎思
出版：更新：
影業大亨Harvey Weinstein自去年被揭發性侵多位女演員後，不單斷上事業及聲譽，還將要面對法律制裁，而荷里活以至全世界掀起了一片「#MeToo」風潮，讓所有人再次反思女性權益及地位。
金像影后桂莉芙白德露（Gwyneth Paltrow）最近上節目《The Howard Stern Show》接受訪問時，提到成名前曾遇上Harvey Weinstein並遭對方性騷擾，時任男友畢彼特（Brad Pitt）為她出頭，警告Harvey話：「如果你再令佢唔舒服，我就會殺咗你」，令桂莉芙大為感動。
畢彼特與桂莉芙因拍攝《七宗罪》而結緣，二人曾訂下婚約，最終於1997年分手。（Getty Images）
桂莉芙憶述事發於1995年，有日跟Harvey Weinstein在酒店房見面，那些她還是個寂寂無名的演員，男方對待她就如對待其他受害人一樣，不過桂莉芙沒有交待詳細，只形容那次見面「好詭異」。後來她跟男友畢彼特相告這件事，畢佬聽罷當然嬲到震，之後他在百老匯舞台劇《Hamlet》首映禮上剛巧遇上Harvey，就出言警告對方。
遭Harvey Weinstein騷擾過的女演員多不勝數，桂莉芙亦是其中一名受害人。（Getty Images）
畢佬出手護花，真係Man到爆。（Getty Images）
「佢（畢彼特）就好似撞自己落幅牆度咁，呢件事好奇妙係因為，佢用佢嘅名氣同權力去保護一個尚未有名氣同權力嘅我」，1995年的畢彼特已是人氣演員，拍過《吸血迷情》（Interview with the Vampire）及《七宗罪》（Seven）等經典作品，為保護女友就算會影響前途都勇於挑戰權勢，難怪事隔廿幾年桂莉芙仍大讚這位舊愛：「佢係最好的」。