【Dumbo真人版】首條預告「黑媽媽」　小飛象勁神秘不見全相

華特迪士尼的經典動畫《小飛象》（Dumbo），於1941年製作並發行成動畫電影。屬於第5部華特迪士尼的長片，地位超然。
電影自公布會拍成真人版，仲要係添布頓（Tim Burton）做導演，大家都滿心期待。早前電電影流出一張偷拍照，見到小飛象都算可愛。今日電影推出首條Teaser預告，不過依然充滿神秘感。

如果故事係依足原著，劇情都係會講述一隻長有超大耳象的Dumbo，與媽媽Jumbo一同生活在馬戲團生活，因為與生俱來的大耳朵成為眾人嘲笑的對象。媽媽曾為保護牠而被關閉隔離，而一次表演，Dumbo被逼發揮其潛能，用大耳仔當翼飛上天，從此成為馬戲團的大明星。

在1分鐘多少少的Teaser片段入面，小飛象依然保持高度神秘感，就算有樣你睇都係閃現，想見佢全相都好難。至於識飛一幕，更加係快到無倫，截圖都截唔切。不過全片仲好多角色未見，好似媽媽Jumbo、老鼠朋友仔Timothy，仲有教識佢飛班烏鴉，呢啲可能要正式預告先有得睇。