【高凶浩劫】狄維莊遜The Rock抵港　全球首映紅地氈玩足3日

好耐冇荷里活大製作在香港搞全球首映，由狄維莊遜（The Rock）主演的電影《高凶浩劫》（Skyscraper），由於以香港作為背景，故電影公司順勢將首映禮移師到香港舉行。男主角狄維莊遜今日就在IG上載一張落機相，一股好強嘅氣勢，大家準備好未？

荷李活動作影星狄維莊遜（Dwayne Johnson, The Rock），今日終於來到香港同大家見面，宣傳由他主演的新戲《高凶浩劫》（Skyscraper）。今日佢就率先上載一張落機相，相當有型，而其實早前佢去北京宣傳，張落相又係Chok晒Pose，睇嚟呢個係指定動作。

電影會在7月12日上映，由於故事講述他在香港於全球最高，最高科技的大樓The Pearl，負責保安評估工作。所以電影宣傳也特意安排在香港舉行，同行的還有連同戲中妻子莉芙甘寶 （Neve Campbell） 、飾演他戲中一對仔女的童星挪亞哥特利（Noah Cottrell）、麥克納羅拔絲（McKenna Roberts），仲有杰倫嫂昆凌，仲有導演羅遜馬素費巴（Rawson Marshall Thurber）。據知The Rock會逗番3日，仲鎖定幾個景點，包括天際100觀景台、登上懷舊帆船張保仔號欣賞夜景、仲話搭電車，星期六下午仲會去到沙田新城市廣場行紅地氈，喜歡The Rock嘅，密切留意行蹤。