【非同凡響】新作遭內地禁映 《十年》導演歐文傑：好可惜！
撰文：吳子生
出版：更新：
電影《非同凡響》一眾演員谷祖琳、余香凝、岑珈其、葉童、林嘉華等人出席今晚（28）尖沙咀舉行第二屆香港兒童國際電影節活動。
歐文傑與一眾演員出席「第二屆香港兒童國際電影節」，為新作品《非同凡響》宣傳。（吳子生攝）
電影《非同凡響》是一部寫實生活化的港產片，故事講述特殊學校音樂老師（谷祖琳飾演）、Band 1 學校裏的平庸學生（余香凝飾演）和Band 3 學校的反叛少年(岑珈其飾演），各自因在不同原因和目的而參加了特殊學校的音樂劇，並在迷失中找回夢想，譜出了他們的非凡人生。拍攝呢套戲靈感來自邊度呢？歐文傑導演接受《香港01》時訪問說：「當時到粉嶺一間特殊學校同一啲主流學生合作做音樂劇，咁啱要做資料蒐集嘅時候，呢間學校嘅校長，畀咗佢哋嘅音樂劇嘅DVD我睇，睇咗之後覺得好觸動，因為呢件事上，我見到好多學校老師及家長付出好多，但係好似成個社會及主流媒體都冇報到過時，當我可以開一部戲時，就將呢個故事拍成電影。」
歐文傑指《非同凡響》之所以拍得成電影，是因為早年在粉嶺和一家特殊學校籌辦音樂劇後大受感動。（吳子生攝）
《樹大招風》金像獎導演歐文傑，最新力作《非同凡響》台灣及香港同步上映，但大陸就未能上映。歐文傑透露話：「其實本身有個大陸投資者已經買咗呢套戲，諗住係大陸放映，但過唔到內地電影審查，原因可能係關於我個名嘅問題，曾經因為拍過電影《樹大招風》所以過唔到大陸電影審查，覺得好可惜，我嚟緊都好想拍一啲好寫實嘅題材，希望讓觀眾感動又窩心嘅電影，發放正能量。」
歐文傑直言《非同凡響》無法在內地上映覺得可惜。（資料圖片）