【黃金兄弟】古惑仔再聚首變身超級英雄 伊健又Sky哥哥上身？
撰文：陳穎思
出版：更新：
22年前面世的《古惑仔之人在江湖》，令「陳浩南」鄭伊健、「山雞」陳小春、「大天二」謝天華、「包皮」林曉峰等人物紅到街知巷聞，《古惑仔》亦成為港產片史上一大經典。
雖然《古惑仔》電影已停產多年，古惑仔亦已變成古惑佬，幾位從未離開觀眾眼前，今年古惑佬又再聚首拍戲，雖然都係要喊打喊殺，但身份就變成僱傭兵，為拯救兒童而拋頭顱、灑熱血。
有錢嘉樂，又點少得飛車特技場面！（影片截圖）
《黃金兄弟》由錢嘉樂執導，講述僱傭兵獅王（鄭伊健 飾）、火山 (陳小春 飾）、Bill（謝天華 飾）、淡定（錢嘉樂 飾）、老鼠（林曉峰 飾）5個出生入死的兄弟，在恩師曹sir (曾志偉 飾）的帶領下，為了救濟兒童而偷取特效藥，卻慘遭設局，陷入槍林彈雨的險境之中。兄弟們抱著視死如歸的豪情，展開一連串的追查與激戰。
《烈火戰車2極速傳說》（下）都已經有19年歷史，《黃金兄弟》呢一幕（上）真係以為又見Sky哥哥。（影片截圖）
點擊下圖睇吓伊健點樣Sky哥哥上身
擅長拍特技場面的錢嘉樂，當然為《黃金兄弟》加入大量高難度動作場面，包括埋身肉搏對打、槍戰、飛車及爆破等，預告其中一幕看到鄭伊健在街頭賽車，不禁令人聯想起他在《烈火戰車2極速傳說》中飾演的「Sky哥哥」。
曾志偉怒摑陳小春呢幕真係戲味十足。（影片截圖）
睇埋其他精彩場面
除動作戲外，另一令人印象深刻的鏡頭是陳小春被曾志偉怒摑，雖然《黃金兄弟》以動作場面掛帥，但文戲亦一樣張力十足，加埋5位古惑佬合唱的主題曲《一起衝 一起闖》，真係Man味爆燈。