【無雙】「電影新人」張松枝喜見票房破3千萬 ︰對我好大鼓勵
撰文：趙允琳
出版：更新：
張松枝、張建聲與電影《無雙》一眾演員昨晚（24日）到戲院謝票，電影在中港台創下票房佳績，張松枝直言感受很深：「我叫做電影新人啦，可以拍到咁好嘅電影，又咁賣座，對我真係一個好大嘅鼓勵。」張建聲表示自己在劇組裏論資排輩都是資歷最小的，今次能夠與兩位影帝周潤發、郭富城，以及導演莊文強合作，演技提升不少。
張松枝雖然已經入行長達20多年，但近年才集中拍電影，所以自稱「電影新人」。（梁碧玲 攝）
張松枝入行長達20多年，為何仍謙稱自己是「新人」？他解釋因為自己是近年才開始參與電影拍攝：「我一直以來都係拍電視劇居多，拍電影都係呢兩三年嘅事，所以話係電影新人！」被問到拍電影與拍電視劇最大分別在哪裡，他說：「嚴謹啲啦，同埋嗰個製作水平係高好多嘅，對演員嘅要求都會好高，所以壓力係大㗎。」張建聲踏足電影圈的日子比前輩張松枝還要長，張松枝笑稱對方是前輩，說道：「我細細個就睇佢嗰套《一路向西》㗎啦！」張建聲回敬道：「我都細細個睇佢啲MV大㗎！」
張松枝最近曝光率極高，除了出演電影《無雙》外，更在TVB重播劇《珠光寶氣》、ViuTV網劇《蝕日風暴》露面，日前更夥拍黃秋生拍攝港台話題劇《火速救兵IV》做消防隊目，真是無處不在！（梁碧玲攝）
近日港台製作的網劇《火速救兵IV》受到網民熱捧成為熱話，日前參與拍攝的張松枝會否感到有壓力？他表示：「壓力其實都無乜嘅，有秋生（黃秋生）帶著我哋呢，其實好安全，好放心嘅。我哋都拍得好開心！（秋生有無比好大壓力你？）無無無！秋生唔會咁樣嘅，佢好照顧我哋，我哋好開心咁完成呢套《火速救兵》㗎！」
電影反應很好，很多人都很好奇會不會有拍續集的計劃，張建聲透露：「莊導好似寫緊啲嘢！」（梁碧玲攝）