【無雙】周潤發直言演過「好角色」不多：為支持電影我乜都拍
撰文：賴家杰
出版：更新：
電影《無雙》今天（29日）晚上舉行慶功宴，一眾主演亦有出席。（陳順禎攝）
《無雙》今天（29日）晚上舉行慶功宴，一眾主演亦有出席，包括周潤發、郭富城及張靜初等。《無雙》票房邁向15億，對於積極跑宣傳的發哥來說，這成績他功不可沒。發哥說到跑宣傳他是很樂意的：「其實咁樣會對我身體好好，票房又有幫助，咁我繼續咁樣跑一年都得。」電影票房和口碑也十分好，對於會否拍續集或前傳也是一眾演員的希望，但導演莊文強就不知道如何寫下去：「其實戲中要死嘅人都死咗，不過如果拍前傳的話佢變成一套文藝電影。」
周潤發為電影四處跑宣傳，發哥笑言會令他身體更健康。（陳順禎攝）
早前發哥在北京為《無雙》慶功時候也準備了美金作為抽獎，發哥透露發嫂今天晚上是有準備的：「我唔知道佢係港幣定美金，我無問佢，總之唔係《無雙》裡面嘅錢就得。」
看完電影《無雙》後，網民大呼港產片的黃金歲月回來了，全因發哥戲中的出色表現，發哥說到做演員是開心的，但有一個問題：「我哋係呢一行做咁耐，要遇到一個好劇本好難，我拍咗幾十年戲，你數下我遇到一個好嘅角色又唔係好多，呢個行業點都要我哋支持，所以乜劇都拍。」發哥笑言下一部電影不用再等他幾年後再拍，打鐵趁熱，粉絲們要期待。
發哥今天慶功宴上不知道會大派美金還是港幣？廖啟智笑言只要不是電影中的假銀總就好。（陳順禎攝）
發哥真係好型，一舉手一投足都好有魅力：
+6