【逆向誘拐】導演批評院線安排天地場 想睇難過登天是針對港產片
撰文：林迅景
出版：更新：
香港電影《逆向誘拐》現正上映當中，故事改編自同名小說，當中又涉及不少商業及財經用語，雖然全片冇開槍、冇飛車、冇爆炸，更加冇死人，但憑著緊湊的故事內容，作為一部港產懸疑偵探作，依然吸引不少觀眾真金白銀入場。口碑之好，令觀眾以一傳十，十傳百的方式推廣出去。不過，市民想買飛入場支持的話，可能難過登天，不是因為「冇戲院上映」，亦不是「戲飛貴」，更不是「場次少」，而單單只因為上映時間被大部份戲院安排在「天地場」。打工仔想睇《逆向誘拐》？得！請假睇囉。
《逆向誘拐》是黃浩然（右）第二部作品，並由愛情小品轉到推理片層面，而這次亦由陳詠燊（左）擔任編劇（葉志明攝）
昨日（11月12日）《逆向誘拐》的導演黃浩然（並不是TVB的男藝人黃浩然）亦忍不住在Facebook發文炮轟戲院安排。
黃浩然所講嘅又不無道理。（黃浩然Facebook）
放喺呢啲場次真係冇人睇。（黃浩然Facebook）
單看截圖所示，場次安排又的確被放在「天地場」上映，更奇怪的是全港影院更似是統一了這個「天地場」的上映安排。需知道好電影也需要良好宣傳以及良好的播放渠道，不然電影再好睇，再多市民想入場睇戲都只是紙上談兵，又難怪黃浩然導演會對戲院安排有如此反應。
【逆向誘拐】黃浩然陳詠燊為港片重拾位置 黃︰港產片會再爆發
【逆向誘拐】警訊堅哥吳良榮轉行演總警司 「做賊做得多都悶」
【逆向誘拐】《警訊》堅哥幕前騙盡天下 「現實中我都俾人呃過」
+2
+4