【乜代宗師】黃子華首預告明串潮流興造假 「假作真時乜都假」

撰文:許育民
出版:更新:

下年鼠年賀歲又再陷入混戰,未計合拍片的大製作,本土賀歲已經有黃百鳴《家有囍事2020》、李璨琛《大盜演》以及黃子華的《乜代宗師》,計人氣,子華神一直被睇高一線,加上前年一部《棟篤特工》一洗毒藥之名,今次大有機會再奪賀歲片票房冠軍之位。

揸住把大關刀行街,乜代宗師乜都夠膽死。(《乜代宗師》預告截圖)

由黃子華自編自導自演的電影《乜代宗師》,今日公開首條長30秒的前導預告,全程由黃子華親自旁述,講到主角馬飛龍係個「緊貼潮流」,乜都會造假嘅人。雖然是門派掌門人,但查實功夫造假,連做人、感情、婚姻、沖涼都假,最後子華以一句︰「假作真時乜都假」作結,去形容這部《乜代宗師》。

+1

故事講馬飛龍(黃子華 飾)是馬家雷拳第十九代傳人,卻因一次意外中,於街頭眾目睽睽下被一名女途人擊倒,而大出洋相,一夜之間身敗名裂,淪為「乜代宗師」。後來馬飛龍從記者口中知道女途人大有來頭,原來她是香港西洋拳壇傳奇人物,曾經擁有四十場不敗紀錄的奇女子 — 陳真(劉心悠 飾) !