【家有囍事2020】吳千語避談林峯結婚 ：希望大家放過我！
撰文：沈洛嘉
出版：更新：
2020年賀歲電影《家有囍事2020》今日舉行煞科宴，一眾主演都有到場，當中包括監製黃百鳴、張智霖、張繼聰、吳千語、Dada陳靜、周秀娜。近日林峯跟張馨月宣布結婚，問及前女友吳千語時，她表示：「之前已經有回應過，所以唔再回應了，因為這是人哋嘅事。」
吳千語拒絕再度回應林峯結婚。（葉志明攝）
另外再問到吳千語在感情方面會否有其他新進展時，她笑言：「我仲細唔使諗呢啲住，如果有咩開心消息會同大家講唔使擔心，而家都晚婚所以會慢慢來，希望大家放過我唔好再問。」
除了感情事，再問到吳千語工作方面的計畫時，她回應：「會做啲自己冇做過嘅嘢，拍啲冇嘗試過的電視劇，希望自己設計嘅衫同產品可以受歡迎，同埋一路都有個心願想搵個啱嘅朋友一齊合作。」