《幻愛》平均每場人次只有15位　劉俊謙自認拖累票房：唔夠人氣！

由劉俊謙和蔡思韵（Cecilia）主演電影《幻愛》，今日（4/7）於油麻地舉行電影小說發布會。劉俊謙接受《香港01》訪問時透露，電影不計優先場次，首日票房僅得15萬：「有人計過每場觀看人數只有15人，不過又唔太過肯定，不過自己都好想藉住呢個機會，呼籲大家如果真係好鍾意香港電影嘅話就入場支持，我好有誠意推薦呢部電影畀大家。（人氣唔夠影響票房？）其實都一定關事，因為我哋兩個都係新演員，對大家嚟講，唔係好普及。」而女友Cecilia就話：「呢部電影賣點唔係我哋演員，如果唔係就唔會用我哋做演員啦！而我覺得呢套電影主要係講香港小人物嘅情懷。」

點擊下圖觀看現場情況：