舞台劇《鱷魚之吻》由談善言、袁富華、梁仲恆及COLLAR成員Gao主演，今日（1日）起舉行八場演出，並邀請許冠文、薛家燕、張繼聰、田啟文、Bob林盛斌及「大表哥」Stanley等到場欣賞演出。一代笑匠許冠文今日亦為舞台劇座上客，表示一直相當欣賞葉念琛：「我一路都好欣賞佢愛情嘅故仔，佢寫親嘅男仔女仔，講完一件事、個心都唔係咁諗，成為佢嘅風格！」

香港資深演員馮淬帆（緊哥）今日離世，許冠文數十年前已與他合作，嘆指：「佢今日過咗身……我同佢喺TVB拍過好多作品，佢好好人！我好鍾意佢嘅為人，講嘢一句就係一句！」許冠文受訪期間一度沉默下來、心情低落，但亦分享當年合作時最深刻的場面：「喺《摩登保鑣》合作過，記得有場戲要扮學車佢有份做，佢當時好少拍喜劇、都唔識點做、有咩好笑，但我話照做就得！」許冠文表示與馮淬帆十多年來未見面，最後亦惋惜地表示：「我哋香港好遺憾又有一位偉大嘅演員消失咗！」