大埔宏福苑11月26日發生近年罕見嚴重的五級火，目前造成至少44人死亡64人受傷，不少藝人亦轉發了有關大埔火警的救援。曾6度提名金像獎最佳美術指導及服裝造型設計的張蚊，都有發文，原來其外公就是住宏福苑，幸慶家人全部安全，但在電視目擊火災現場，睇住一個滿載兒時回憶的地方被火海無情吞噬，張蚊都表示好傷痛。

美指張蚊的外公正正住在宏福苑，所以對宏福苑有濃厚感情，見到火災現場，立即聯想到屋苑住了很多老人家，期望火災帶來的破壞力減至最低，亦有望消防員可以救得一個得一個。

隨後便上載一張其外公所住層數的相片，並寫上︰「宏福苑，呢個由細到大去嘅地方，喺新聞睇住我公公間屋被火吞噬，好傷痛。慶幸家人全部安全離開，佢哋出到嚟衫都冇多件，乜嘢都冇晒，大家幫得就幫，睇吓其他災民有咩需要，互相關心大家心理狀態，係我哋而家可以做嘅嘢。」最後，張蚊有份經營的餐廳雖在旺角，亦成立一個「人人有飯食」組織，派發餐券幫助有需要人士。