第44屆香港電影金像獎今晚（4月19日）於香港文化中心隆重舉行。梁家輝憑《捕風追影》擊敗古天樂、張繼聰和陳家樂，第5度奪得最佳男主角。

謝霆鋒頒影帝予梁家輝

頒獎嘉賓謝霆鋒先在台上向大家打招呼：「好耐冇見！」問到幾時回港拍戲，謝霆鋒答：「快啦快啦！！」其後謝霆鋒宣布梁家輝奪得最佳男主角，梁家輝指今年是電影金像獎第44屆，也是他加入香港電影業第44年，故今次奪獎對他別具意義，「所以呢次嘅提名對我嚟講別具意義，無論攞唔攞到，都係我一個終身嘅榮耀，」梁家輝多謝經理人：「佢捱咗我好多怪責、責罵，多謝你Elaine！」

梁家輝最多謝家人，談到太太，梁家輝終忍不住落淚哽咽說：「我覺得最應該多謝係我屋企人，我兩個女，我兩個女婿，我兩個孫......（望一望錶）唔好打電話俾我啊而家......仲有我太太，佢哋都忍咗我，尤其是我太太，忍咗我44年，多謝晒！」