【Happy Monday】「仙氣女神」Judy Kwong揀男友:追我要有耐性

撰文:
最後更新日期:

識煮餸嘅女仔真係好加分。(林迅景攝)

正所謂搵女朋友就最要「GFable」、樣靚笑起嚟要甜、最好可以入得廚房出得廳堂見得朋友啦。雖然以上條件好似多咗啲,但係又真係有喎。今次要講嘅係被網民封為「仙氣女神」的Judy Kwong (鄺潔楹)。

如果我日日都食到佢煮嘅早餐。。。(林迅景攝)

當然,大家最熟悉她的就是TVB娛樂新聞台的她。平日網民就已經十分留意Judy的一舉一動,cap圖之餘仲成日讚佢鄰家女孩feel得嚟又自然唔造作。不過要數她的「成名之作」就不得不提J2台播放的《3日2夜》台中篇節目。女主持在介紹風景名勝之外,就例牌一定會浸下溫泉。而鄺潔楹著住粉紅色比堅尼跳住舞浸溫泉,真係電暈晒廣大嘅男性。

你哋feel唔feel到個仙氣? (林迅景攝)

雖然說Judy是由美國畢業回港拍攝《3日2夜》,但是她仍然對穿泳衣上鏡有一點點保留:「其實我本身自己係唔抗拒著泳衣嘅。但係喺咁多觀眾面前呢,講真,一開始都有少少慌慌地。所以 ,嗰陣時我都有特登問,其實會著幾多套。如果要著3套嘅話呢,我可能有少少抗拒。最後就淨係著咗一套囉(笑)。」不過呢,個節目出嚟個效果靚咪得囉,係咪?

陽光與海灘,再加靚女,perfect!(Instagram圖片)

Judy(鄺潔楹)其實除了喜愛跑步,她說還會不時下廚煮返幾味(所以大家會看到Judy在影片中煮早餐)。雖然,她表示自己不懂煮複雜的菜色,但煎蛋煎腸都已經「有板有眼」,可算是有完美女友的其中一個要求,「入得廚房」。Judy咁「GFable」,就實係多男仔追啦,不過佢就話好少人追喎…(你又信唔信先?)

p.s. Judy,生日快樂吖~XD


Special Thanks : Jam Cast Management HK Ltd

Judy親手下廚,真好食嘅。(林迅景攝)

+5
+4
+3


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。