【港姐2017】17歲Mandy緊張失眠 唔怕狀態差輸蝕:對自己有信心

撰文:郭敏玲
出版:更新:

港姐外景來到第三日,除了海外佳麗Juliette贏了第一日的潮流穿搭比賽,可以同游生單獨拍攝,其餘佳麗今日就穿上夏日繽紛服裝到大安森林公園進行拍攝。最年輕港姐,17歲的邱晴(Mandy)好像還不太習慣,一時滔滔不絕,一時又回到靦腆mode,好似今日咁,影相時身旁的保姆都忍唔住出聲:「你盡情影喇!」Mandy才露出招牌怕羞表情,慢慢擺甫士,真係好難捉摸。

今日一班佳麗著到五顏六色,夠唔夠夏日氣氛?(郭敏玲攝)

問到Mandy是否還未習慣,她說:「都唔係呀,只係呢幾日好夜瞓,又好早起身,所以望落精神唔係幾好囉。(幾點瞓幾點起身?)都成兩點幾瞓,今日又五點三起身?(因咩事咁遲瞓?)冇呀,可能因為我真係好緊張,夜晚唔係好瞓到,所以夜瞓。」問到現時好似被其他佳麗輸蝕,Mandy就話:「唔會呀,我對自己好有信心。」叫她示範甚麼是自信,她隨即以笑容說明。

Mandy都仲係好怕醜,狀態有啲飄忽。(郭敏玲攝)
+4

至於一身阿拉丁茉莉公主look的張寶欣就話昨日終於有得瞓夠八個鐘:「噚晚11點瞓,之前有幾日都冇瞓夠八個鐘,加上之前準備行李又拍攝咁,所以望落去好攰,我都承認自己狀態唔係咁好。」她說港姐外景雖然冇得自己出去玩,但係同佳麗一齊食嘢好開心:「我都冇話想去邊。」聽落寶欣都好聽話,冇心郁想靜雞雞走出去。

張寶欣(左)就話有keep住同家姐傾計,報告行蹤。(郭敏玲攝)
跳起!Yeah!(郭敏玲攝)