【港姐2017】巴打聽到好開心 大熱港姐17歲Mandy :而家唔想拍拖

撰文:
最後更新日期:

和6月首次面試相比,17歲邱晴真係靚咗好多。

無錯!又係港姐呀!雖然颱風納莎吹襲台灣,但攝製隊都趁大雨尚未來臨,盡快完成拍攝。港姐監製陳良旭就表示今次請來宣萱同袁文傑,再次飾演《不懂撒嬌的女人》的Mall姐及游生,負責派任務畀12位佳麗。接受挑戰途中,有機會淘汰佳麗,但人數、形式尚未決定。另外,因為颱風關係,有些場景就要轉到室內進行。

Mandy的自然流露,真的好可愛。(郭敏玲攝)

來到第四日,同Mandy講佢又瘦咗,佢就一定好開心。這幾天來她只食水果,少食澱粉,效果真是非常顯著,她想了想:「可能我新陳代謝快啩。」講下講下,就講起她日常如何嗲媽咪,她說:「我肚餓時,就會嗲佢:『媽咪,我好肚餓啊,可唔可以煮嘢畀我食啊。』(咁你會唔會嗲男朋友?)我冇男朋友,而家唔想拍拖呀⋯點解要拍拖⋯(咁以前呢?)唔知呀⋯」看Mandy靦腆的樣子,堅係真情流露。

Mandy坐埋一邊畫畫,啲氣質出晒嚟。(郭敏玲攝)

Mandy人生得高(173cm),個樣令你羨慕,但她表示高度不是遺傳:「我媽媽得15幾,我爸都唔算好高,我都唔知點解,由細到大都係全班最高。(你咁細,仲有得高落去喎)唔好喇⋯」提到她找男朋友要高過自己會唔會好難,她又好似熄了總掣說:「唔會啩⋯」真係可愛。

Mandy話自己係偽文青,唔係呀,你鐘意畫畫喎。(郭敏玲攝)

等待埋位期間,見到Mandy文青上身,用簿仔畫起畫來,看她畫風,類似是「秘密花園繪本」的治癒畫風,原來她有修讀美術,考公開試成績都不錯。她說:「我最鍾意莫奈,佢係印象派,另外我都鍾意啲畫風寫實,又帶點少女嘅。」熱愛藝術的Mandy表示早前有去香港的羅浮宮展,有機會會帶家人到真羅浮宮展參觀。

 

+3
+2


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。