【港姐2017】Juliette 有個牙醫男友：鍾意佢夠血腥
撰文：郭敏玲
出版：更新：
Juliette 原來有個牙醫男友。
Juliette 喺港姐入面，係有啲運仔。贏完潮流配搭比賽，昨日又贏了演技比賽，個勢keep住咁勁。問到昨日表演咩場口？Juliette 說：「以為自己拎咗冠軍，但後尾發現原來讀錯名。」問到大吉利是成真點算？她說：「又唔會嘅，我又唔係睇輸贏好重要。（咁你贏咗第一時間會想做咩？）我諗會返去加拿大見下屋企人，再諗下會唔會真係嚟香港發展（咁駛唔駛見男友？）Maybe。」
Juliette在港姐選美中，越戰越勇，唔知 之後會唔會keep住個勢呢？
【港姐2017】7號Juliette再成焦點 游生點名讚自信爆燈 【港姐2017】17歲Mandy緊張失眠 唔怕狀態差輸蝕：對自己有信心【港姐2017】巴打聽到好開心 大熱港姐17歲Mandy :而家唔想拍拖
講下講下，Juliette 就講到自己有個感情穩定的男朋友，但就仲讀緊書：「佢之前讀到牙醫，但佢覺得太悶，所以再讀落去，讀完做醫生，幫人做口腔手術，起碼interesting 啲，bloody啲。」但男友一讀要讀6年，讀完都差不多30歲，一個工作一個讀書，又有機會LongD，會否難維持？Juliette 充滿信心：「唔會呀，就算係而家，我哋日日
都有聯絡，就係一心想穩定先一齊，唔會玩玩下。」Juliette透露與男友在大學打排球認識，憶起第一次dating，Juliette 甜笑說：「佢讀牙醫，就叫我畀佢睇下啲牙。」
+1