【港姐2017.多圖有片】胡美貽泳衣即加分 17歲mandy:我骨架大

撰文:郭敏玲
出版:更新:

今日來到港姐的泳裝環節,除了養眼,同時可以看到佳麗的狀態。自選美進行開始,11號胡美貽(Nicole)除了是老闆娘之外,似乎都不是焦點,但來到泳裝環節,她身材令人眼前亮,在場人士都話要加佢分。另一方面,佳麗都好緊張自己表現,所以都會有爆壓力瘡、不上妝,出到來腳震的表現

胡美貽

Nicole就是一個好例子,她出場時有點面有難色,面部肌肉有點繃緊,又有點手騰腳震。她直認有點緊張:「未試過喺咁多人面前著泳衣,不過之前係美國都有著泳衣去沙灘。」為了泳裝環節,Nicole有比之前食少了,但都沒有太大問題,因為有做運動。提到自己身材一鳴驚人,Nicole其實都沒有避違,表示:「我媽媽本身都比較豐滿。」又講到她的身材經驗:「之前係美國,都係B cup,返到香港去買bra,個度啲人同我講,其實我係D cup。」Nicole都很滿意自己身材。

胡美貽一出嚟,即刻令人眼前一亮。
+60
Juliette 係咁畀人話係三甲無誤。

另一個fit馬就是Juliette ,她說為了大show自己的腰部線條及腹肌,本來來到台灣都不停灌水,臨到泳衣環節,Juliette 都飲少了水:「食物嘅份量都少咗,都係食多啲蛋白質。」她坦言唔會無啖好食,目標要減5磅,目前已減了2磅。至於一班佳麗見到Juliette 狀態咁好,企埋去影相都好似怯怯地,Juliette 就話:「我都係focus返自己,自己係點先重要。一心要贏,咁輸咗點呢?要好傷心?我自己唔想咁。」

Juliette
大家都好期待Mandy減肥成果,你哋覺得點呢?

還有今日展示減肥成果的Mandy,她已比之前消瘦了不少,但不清楚實際清減數字,不過她自言骨架較大,肩膀及臀部較闊,問到身材可能會比較輸蝕,她說:「每個人都有自己優點嘅(覺得自己會唔會再發育?)唔知㗎。」她還覺得自己與標準體重還有點距離。

邱晴好好身材。(ig@dear.yc)
Regina Ho似乎好瘦,原來佢話自己向來冇乜食嘢,唔關壓力大事。

還有Regina何依婷,眼見她雖然笑容甜美,可是她其實充滿疲態,額頭都有壓力瘡。她說:「其實都唔係好攰,呢幾日都瞓得夠。(但你生咗暗瘡,壓力好大?)暗瘡都一直都有,參選開頭都會有啲緊張,都會有啲壓力,但後來都學識咗放鬆。」

Regina Ho