【用完即棄】大閘蟹小姐鄧以婷喊住宣布:《比堅尼拯救隊》玩完

撰文:
最後更新日期:

TVB為了谷新app「Big Big Channel」人氣,啟用初期已請藝人以節目形式直播,其中鄧以婷(Irina)的《比堅尼拯救隊》屬受注目直播節目之一,皆因Irina是前女子組合Super Gear成員之一,又曾選過「大閘蟹小姐」。

+8
+7
+6

鄧以婷著三點式做live吸引網民。

Irina在《比堅尼拯救隊》當然唔係做救生員,而是要著住比堅尼完成網民提出的任務,節目一出網民注意力都集中在她的34C身材上因而成為熱話。

不過昨晚Irina在屋企開直播就突然宣布:「上星期的《比堅尼拯救隊》已經是最後一集,所以聽日係冇嘅!」事出突然,似乎Irina自己都唔多接受到這個消息,一講完呢句說話即時眼濕濕,雙眼紅晒。

Irina強忍淚水回答網民問題,但一直迴避腰斬節目的原因:「有好多節目嘛,所以唔係被腰斬定咩事!」但她在言語間透露了這個不是她的決定:「突然間冇咗會有少少失落感,一個完…係一開始…」又安慰自己:「冇特別唔開心,因為仲有好多機會㗎嘛!」她重申只是停了《比堅尼拯救隊》而她會繼續在「Big Big Channel」做個人直播。

Irina眼濕濕宣布《比堅尼拯救隊》已經腰斬,但冇解釋原因。

Irina在大約半個小時的直播期間背後一直播着歌,期間聽到陳奕迅的《葡萄成熟時》時突然有感而發:「呢首歌好切合我嘅心情,黃偉文講係一個人失戀就用呢首歌去安慰佢,但我聽呢首歌反而好正面,唔係失戀,係你嘅成功如果未到就要努力加油,你想成功但未等到個機會都要繼續唔好放棄。」我哋聯絡過鄧以婷,但她因今日已去了台灣幫朋友做拍攝工作而未有回覆。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。