【壹號皇庭】19歲古巨基演酒廊歌手過鏡 基仔:我真係現場唱㗎

撰文:
最後更新日期:

19歲古巨基當時為無綫訓練班學生,和28歲黎耀祥同場演出,不過就沒有對手戲。

《壹號皇庭》除了看劇情外,最好睇見到不少巨星未紅時的演出,20歲包包面的鄭秀文,及第二輯的王菲(當時叫王靖雯),而前晚第五集就驚現另一位巨星古巨基,該場戲講黎耀祥和崔加寶分手,獨自在卡拉ok借酒消愁,而古巨基就飾演卡拉ok歌手,雖然只得兩幕,但劇中非常認真地唱歌,相當投入,可惜聽不到他的歌聲,因為被《壹號皇庭》背景音樂蓋過,不少基仔粉絲都有發現,大家都好奇基仔究竟唱咩歌呢?係咪真係有唱,定只係做口型呢?原來基仔亦有留意到這件事....

古巨基出現在roller,他是飾演卡拉ok歌手。

古巨基回憶說:「我當時19歲讀緊TVB訓練班,有人俾通告你開工,好開心㗎,去到仲叫我唱歌,我當時非常開心,佢叫我揀首慘歌唱,我就揀咗《是緣是債是場夢》唱,我真係現場唱㗎,唱咗幾次囉,(cut咗你把聲?)咁唔知喇,有人話第一次播係聽到我把聲嘅,但之後唔知係咪版權啦,咁就冇咗我把聲囉,而家睇返感覺好似上星期發生咁呀,好得意。」究竟邊位咁獨具慧眼找到這位未來天王唱歌呢?通常這些跑龍套角色多由助導或統籌負責,而這集助理編導是李淑雯,統籌劉順安,而後者為現為大陸劇《《莫語者》總導演,主角為黎明,想不到隔25年,除了古巨基外,幕後亦闖出一片天。

+4
+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。