【使徒行者2】張寶兒處女作同柏豪咀咀：同佢一齊都好易投入到
撰文：黃梓恒
出版：更新：
《使徒行者2》未播出街，就已經率先播放一個前傳給大家收看，在這個微電影當中，張寶兒(Bowie)會做周柏豪的女友，可惜最後都係慘死收場，為之後柏豪轉投歡喜哥埋下伏線。今次是Bowie的處女作品，第一次在觀眾面前展露自己的演技，其實都好自然，完全唔似唔識做戲，以港姐出身來說算是十分好。
今次係張寶兒處女作，已經有得同柏豪神咀咀。（網上圖片）
對於自己的處女作，Bowie表示：「雖然《溏心風暴3》入面我係有個角色名，不過唔算好多戲份，所以今次呢個《使徒行者2》微電影係我第一個面向觀眾嘅作品，好開心呀！我都聽到唔少反應，真係幾開心，同埋導演都話好滿意我嘅演出，特別係最尾喺急症室一幕。普遍嚟講啲意見都幾好，係有人話死嗰陣有啲誇張，都係嘅，可能我自己做慣《學是學非》啦，哈哈……但係感覺都唔錯，我仲有好多要進步嘅地方，會繼續努力。」
最尾都係要慘死。（網上圖片）
今次一次過與兩大型男拍攝，第一個是黃德斌，她說：「有一幕跳上德斌度，因為拍嗰陣其實已經係最後一幕，所以佢就問我想點拍，我就問返佢想點，佢話不如玩吓喇，叫我跳上去，所以我就一吓跳咗上去。」另一個就是大眾男神周柏豪，柏豪和Bowie的男友袁偉豪在《使徒行者2》中都有不少對手戲，同柏豪對戲的時候未知Bowie會否被電親？她笑說：「柏豪係男神嚟架嘛，同佢一齊都好易投入到，（柏豪同偉豪邊個係男神）佢同偉豪邊個係男神…哈哈，香港好多男神嘅，佢兩個都一樣係男神，無抵觸嘅！我覺得佢哋呢個雙豪黨都唔錯，好有默契，所以都好期待快啲睇到《使徒行者2》。」大家星期一晚就即管睇吓雙豪黨有咩勁爆演出喇。
德斌係Bowie阿哥，都幾似架。（網上圖片）
好想快啲睇雙豪黨演出。（網上圖片）