內地推出榴槤味Pizza 細細粒話要挑戰試食：係咪貓山王餡？
撰文：陳浩賢
出版：更新：
人類的無限創意，不一定只會放在登陸火星咁大壇嘢，小至平日的飲食口味，也有很多發揮空間，不過講到口味有時確是見仁見智，某人的絕頂美食，對另一個人可以變成暗黑料理。內地近日有Pizza連鎖店推出了榴槤的新口味，而且用上榴槤至尊貓山王，除了Pizza外還有榴槤蛋糕及榴槤薯蓉，不是人人有勇氣挑戰。
細細粒真係好鍾意食榴槤，還上載了嘆榴槤的片段上網。（網上圖片）
現時在《老表，畢業喇！》有甚重戲分飾演呂優的細細粒陳嘉佳，睇她的身形就知她是識飲識食之人，胖嘟嘟十分可愛的她，原來是榴槤達人，對食榴槤甚有研究，而且在她的iG上，更有不少她品嚐榴槤，吃得津津有味的片段。對於內地的榴槤味Pizza，細細粒表現得十分好奇，不停詢問當中的用料及味道。
內地推出榴槤味Pizza，榴槤星人今次可以大快朵頤。（網上圖片）
細細粒接受《香港01》訪問，她表示「榴槤味嘅蛋糕我食過嘅，覺得好好食，不過要睇下用乜嘢餡，貓山王同金枕頭做出嚟嘅Texture都唔同啦。」為何細細粒會緊張詢問是否貓山王呢？原來Musang是馬來西亞的果子狸，喜愛食榴槤，而牠憑靈敏嗅覺可以辨別榴槤的好壞，所以當地人會將榴槤給Musang聞下，若然表現雀躍則為上等榴槤，而久而久之就將最靚的榴槤稱作貓山王。
細細粒食榴槤都要知道是貓山王還是金枕頭？（網上圖片）
今次內地的榴槤味Pizza，就聲稱是用貓山王榴槤做賣點，而每片Pizza亦確有榴槤果肉。細細粒對美食一向缺乏抵抗力，何況是至愛的榴槤。她表示「榴槤味嘅Pizza真係未食過，我都好想試下，究竟係鹹味定甜味呢？如果俾我嘅話，連餅底我食到半個架，剩返嘅會食晒面嗰啲餡料囉。好期待可以試下，有冇芝士呢？有冇肉呢？」細細粒機關槍式詢問Pizza的用料，但香港暫時仲未有得食，不過近年細細粒不時到內地拍攝綜藝節目掘金，以後大把機會試到啦，到時再由她做一次飲食報告，細細粒等緊妳呀。
喜歡食榴槤的細細粒，對榴槤味Pizza甚為好奇，心郁郁想試。（網上圖片）
細細粒一向「有食力」，但胖嘟嘟甚為可人。（網上圖片）
細細粒（左）在《老表，畢業喇！》演出呂優一角，向觀眾狂擲笑彈。