【使徒行者2】麥明詩被魏焌皓殺死好慘交足戲：喺三哥懷抱死係正
撰文：郭敏玲
出版：更新：
麥明詩最後仲俾蔣祖曼打，好慘。
《使徒行者2》就快做完，劇情開始入肉。揭露了蔣祖曼、鄧梓峰是幕後大黑手，與黑幫大佬陳豪狼狽為奸。而魏焌皓聽命於他們，可惜戲中女友麥明詩卻是對家苗僑偉的手下，昨晚那集就要進行人性大角力。蔣祖曼對麥明詩拳打腳打，還要求魏焌皓親手隧冧女友，真的夠狠。
仲要人哋男朋友親手殺死最愛嘅女友，好變態。
魏焌皓最初下不了手，就被蔣祖曼抽撃做不成大事。最後魏焌皓與麥明詩緊緊相擁，再以幾槍親手殺害她，睇到都覺得慘不忍睹，點解可以咁殘忍？愛情與做壞事之間，竟然會揀做壞事！
網民見到麥明詩被殺害一幕，都有些少意見。就話麥明詩死得頗為生硬，與苗僑偉最後對話之中，氣唔斷、不夠逼真。而麥明詩一直以來，自有戲拍開始，演技都備受關注。而她之前都有回應過：「人哋點講都冇辦法，我有留意佢哋嘅comment，但唔好嘅意見我唔會擺喺心。不過唔代表我唔在意，我一直都有去學演戲，都想去進步。」其實麥明詩今次的演技，比上次處女作《賭城群英會》進步，至少被槍殺的一刻，有眼淚交到戲。
而麥明詩昨晚都有上載自己「死」的片段，她還非常幽默地在caption說：「喺三哥懷抱中死都係正」，而網民都突破盲腸，笑言：「中三槍仲可以同三哥交代身後事」真係好strong！
好似好爽咁喎。
但最後都係忍心殺死咗，唉！
+5