【星光薈萃頒獎】飛躍進步獎何廣沛冧莊奪獎 譚凱琪開心到喊

撰文:
最後更新日期:

一年一度的《TVB馬來西亞星光薈萃頒獎典禮2017》終於開鑼,今次TVB更於翡翠台同步進行直播,讓大家可以第一時間見證住今年TVB第二張成績表的誕生。「最喜愛TVB飛躍進步女藝員」由江嘉敏、譚凱琪、湯洛雯、陳瀅以及鄧佩儀角逐。結果由譚凱琪奪得這個獎項,這也是她從影以來首個在演藝上獲得的獎項,可謂極具意義。而她上台攞獎致詞時,亦感動到喊:「多謝TVB同馬來西亞投票畀我嘅朋友,呢個獎係你哋送畀我嘅,多謝一直以來用我嘅監製,畀好多好角色同好大發揮空間我去做,我會繼續努力,同埋都多謝屋企人同電視旁邊嘅你哋。」

譚凱琪感動落淚。

至於「最喜愛TVB飛躍進步男藝員」就分別由演出何廣沛、謝東閔、張振朗、吳業坤以及郭子豪爭奪,結果由已在《星和無綫電視大獎2017》勇奪「飛躍男演員獎」的何廣沛再下一城冧莊,他亦大熱門勝出。他致詞時表示:「第一次嚟馬來西亞,好多謝TVB同馬來西亞嘅朋友,記得我5年前入行乜唔識係一張白紙,多謝TVB嘅栽培,安排好多前輩喺我身邊畀我偷師學習,我先有今日,我知自己仲有好多進步空間,希望每年都可以嚟。仲要多謝我屋企人同fans。」

何廣沛又羸。

+9
+8
+7


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。