【星光薈萃頒獎】三哥苗僑偉奪最佳男主角:三嫂,呢個獎係你㗎!

撰文:
最後更新日期:

三哥現身,真係估唔到。

今次《TVB 馬來西亞星光薈萃頒獎典禮》的最佳男主角爭得十分激烈,本來以為不會爭獎的三哥苗僑偉都現身馬來西亞,更添變數。再加上兩個當紅小生王浩信和陳展鵬,在《星和》頒獎禮上,王浩信已經先贏一仗,比起陳展鵬,王浩信今次有兩套熱門劇上映,但係陳展鵬在大馬受歡迎的程度絕對唔講得笑,已經連續兩屆做大馬視帝的他在大馬擁有大量粉絲,所以今次真係爭崩頭。

今次真係爭崩頭。(網上圖片)

既然三哥嚟得,真係無理由唔係頒俾佢喇,講咩佢都贏晒咁濟。而且佢超得到其他演員尊重,個個都起身向佢道賀,「多謝羅老師(羅冠蘭),從影40年喇差唔多,做咗咁多頒獎禮,人生第一次攞到重要獎項,萬般味在心頭,多謝投我嘅觀眾,多謝TVB,多謝企鵝影業打造《使徒行者2》。我唔知仲有無機會上頒獎台,我有一個人一定要多謝佢,我想多謝佢好耐,04年佢帶返我入TVB大家庭,第一部係《學警雄心》,呢個人俾咗好多機會我,一直都想多謝佢,但我唔爭氣喇,而家先有機會,就係梁家樹先生。最後我要多謝,身兼數職,喺我身邊支持我嘅三嫂,呢個獎,係你㗎!」

三哥都講到眼濕濕。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。