【降魔的番外篇-首部曲】麥美恩靜雞雞搵大錢：最緊要保持沉實
撰文：鄺鈺瑩
出版：更新：
今日《降魔的番外篇-首部曲》首映，麥美恩有份做司儀。（陳順禎攝）
即將於BigBigChannel播出嘅《降魔的番外篇-首部曲》於九展舉行首映禮，大台安排咗麥美恩（Mayanne）做司儀，係呀，又係佢。問到Mayanne有無睇正劇《降魔的》時，佢就話之前因爲開工，所以未有時間睇。但Mayanne又話：「不過我有睇啲精華片段，好催淚，亦都好期待番外篇，頭先同監製打聽過，話同正劇係兩回事，覺得好神奇。」
Mayanne做司儀，無得輸。（陳順禎攝）
Mayanne頻頻為大小節目擔任主持，其實佢對拍劇都甚有興趣，但一切都有待公司安排，佢話：「其實主持都係好似做戲咁，例如同森美合作，就算做下靶位都係一個角色，好有發揮性。」Mayanne認為自己在主持方面依然是初哥，所以態度很重要，因為沒有人天生就有這種才能，亦慶幸自己在過程中得到不少幫助，佢話：「好多嘢都係摸索、同試返嚟。同埋成日都會提自己要keep住一股熱血同初心，咁就會時刻都咁有力。」
Mayanne唔介意做下靶位架。（陳順禎攝）
其實除了主持外，Mayanne近期亦有唔少廣告揸手，暗暗成為圈中小富婆。聽到「小富婆」一詞，Mayanne即時笑得十分開心。「收入係有，同埋拍咗幾多個廣告都唔係咩秘密啦。最緊要保持沉實，因為好多嘢都係一下子、一股熱潮，自己食正係榮幸。」她之後繼續笑笑口透露之所以有咁多廣告在手完全純屬意外收獲。「真係唔可以睇少互聯網威力，但亦都唔可以忽略電視影響力，總之對我來說係一個肯定。」
一講小富婆，你睇佢幾開心。（陳順禎攝）